Պարզվում է այս սովորույթի արմատները տանում են Հին Եգիպտոս, այնտեղ հավատում էին, որ մատնեմատով անցնող երակը ուղիղ դեպի սիրտ է տանում:
Եվրոպայում սակայն նշանադրության մատանիները հայտնվեցին միայն 18-րդ դարում, Հռոմի Պապ Ինոկենտի 3-րդի հրամանագրով, համաձայն որի, նշանադրությունից մինչև պսակադրություն սիրահարներին հարկ էր տալ փորձաշրջան և մատանին դրա վկան էր, ինչպես նաև այն հավատարմության խորհրդանիշ էր :
Եթե նախընտրում էք, որ նշանադրության մատանին լինի թանկարժեք քարով, ապա հարկավոր է ամենայն լրջությամբ մոտենալ քարերի ընտրությանը,քանի որ վերջիններս ի զորու են ազդել մարդկանց ճակատագրերի վրա:
Ադամանդ – Շատ կանանց կողմից նախընտրելի այս հիասքանչ քարը բոլոր ժամանակներում ընկալվել է որպես մաքրության ու հավերժության խորհրդանիշ: Այն կանխորոշում է երջանիկ միություն և անմար զգացմունքներ:
Զմրուխտ – Այս քարը հանգստության և խաղաղության խորհրդանիշն է: Կատարյալ ընտրություն է խառնվածքով համբերատար և խելամիտ կանանց համար: Կարծիք կա, որ զմրուխտը նպաստում է պտղաբերությանը և ապագա առողջ երեխաների ծնունդին: Եթե դեմ չեք,ավելին, երազում եք շատ երեխաների մասին, զմրուխտը Ձեր տարբերակն է:
Ռուբին – Կրքոտ,անհագ սիրո խորհրդանիշ: Միաժամանակ նաև օջախի ամրության և ջերմության պահապան: Այս քարը վկայում է երիտասարդ զույգի վառ զգացմունքների և ներքին սերտ փոխկապվածության մասին:
Շափյուղա (сапфир) – Կարելի է ընտրել երկնագույն կամ նուրբ վարդագույն շափյուղա: Ընդունված է համարել, որ այս քարին նախընտրություն տվողը չափազանց բարի անձնավորություն է: Շափյուղան իր հերթին նպաստում է նորապսակների հավատարմությանը միմյանց հանդեպ,ինչպես նաև սիրահար զույգին համերաշխություն և ընտանեկան խաղաղություն կանխորոշում:
